街坊帶路夠地道_街坊帶路夠地道_社職義工服務推介 SOCIAL CAREER PICKS.jpg

玩味認識本地社區 街坊帶路夠地道

「香港仔點去小瀝源?」「北區得儲水式電熱水爐?」

認識社區義工活動

就算大家喺香港土生土長咁多年,相信大部份人都唔敢話自己熟晒香港每一個地方。不過,大家至少都聽過屯門公路遠征慘況、塞到2046觀塘商業中心區、北區冬天勇士大戰儲水式電熱水爐等嘅都市日常系列,甚至已經係關注組嘅同路人,經常參與圍爐熱話,分享第一手資訊。

以上啲都市日常聽落有啲傷感,筆者都不禁想講句「I Know That Feel」,但每個社區總有值得大家欣賞、認識同考察之處。其實,香港有唔少團體一直都有舉辦各種充滿地道色彩嘅導賞團或城市活動畀市民認識本地社區。今次社職就有兩個社區義工活動推介畀大家參與,你可以學做導賞員帶人行導賞團又得,或者做組長帶領一班人玩city hunt亦得,總之夠玩味,有深度!

推介一:【連青網絡】「街坊帶路」導賞員培訓:小瀝源篇(香港神託會)

【連青網絡】「街坊帶路」導賞員培訓:小瀝源篇(香港神託會)

一個由連青網絡同街坊帶路合作舉辦嘅導賞員培訓班,誠邀任何對小瀝源充滿熱誠,願意參與社區考察及設計路線等嘅地區資訊製作,向大眾展示小瀝源故事嘅街坊加入呢個培訓班,成為一個地道小瀝源區嘅導賞員,帶大家認識本地社區!

是次活動由義工培訓及義工服務組成,想了解更多詳情或報名方法,請至

>> 【連青網絡】「街坊帶路」導賞員培訓:小瀝源篇詳情 <<

推介二:WeRunner城.鄉文化定向挑戰週 2020 (粉嶺區 – 網上版) – 組長招募(香港基督教女青年會秀群松柏社區服務中心)

WeRunner城.鄉文化定向挑戰週 2020 (粉嶺區 - 網上版) - 組長招募(香港基督教女青年會秀群松柏社區服務中心)

相信大家對城市定向挑戰賽(City Hunt)都唔陌生,不過網上版嘅City Hunt你又試過未呢?今次WeRunner城.鄉文化定向挑戰賽就由實體版變成網上版,從挑戰日活動改為挑戰週!

城市定向挑戰賽形式好簡單,參與嘅義工將會以組長身份加入分隊,協助主辦單位向分隊成員發放活動資源外,仲需要幫助分隊完成挑戰任務後整合資料畀返主辦單位;總分最高嘅隊伍為之勝出!

如果你想玩住做義工,又想加深對北區嘅認識,不妨參加今次嘅網上版City Hunt,認識本地社區!

想了解更多詳情或報名方法,請至

>> WeRunner城.鄉文化定向挑戰週 2020 (粉嶺區 – 網上版) – 組長招募詳情 <<


想搵更多2021義工服務?
即上社職義工網或下載「Social Career 社職」應用程式慢慢揀!

到AppStore下載社職Social Career APP iOS iPhone iPad到Play Store下載社職Social Career APP Android

Comments

comments