召集手工藝義工-手作仔GEARUP_社職義工服務推介-SOCIAL-CAREER-PICKS

召集手工藝義工 GEAR UP!

輕鬆手作仔 仲有機會上堂學

繼上次創意藝術及表演藝術融入義工服務之後,今次就推介幾個手工藝義工活動畀大家。

你可以揀設計手工藝術班、落手落腳製作藝術材料包,亦可以先上堂學製作,後化身做導師教班。咁多崗位,社職相信總有一個義工活動啱你參與,一齊做下手作仔,GEAR UP!

推介一:手工藝材料包設計義工(社職)

手工藝材料包設計義工(社職)

招募任何鍾意做手工藝嘅朋友,義務設計一啲適合兒童、長者或復康人士嘅手工藝班,或者在家自學製作手工藝勞作。


所有設計都會透過社職義工網絡,招募更多義工去按照你嘅設計或製作,各自各DIY大量手工藝材料包,再由社職轉贈畀機構伙伴嘅受惠人士,例如基層家庭、親子活動或院舍人士,成為手藝班其中一項活動主題。


想了解更多詳情或想報名,請到以下連結:

>> 手工藝材料包設計義工活動詳情 <<

推介二:手工藝材料包製作義工(社職)

手工藝材料包製作義工(社職)

唔想設計?可以負責製作材料包!輕鬆喺屋企準備一份DIY禮物盒材料包,並由社職將材料包轉贈畀機構伙伴嘅受惠人士,包括基層家庭、親子活動或院舍復康人士等,等佢哋喺手藝班可以有材料包做手作仔。


呢次義工活動需要每位義工自行準備幾樣材料,想了解更多詳情或想報名,請到以下連結:

>> 手工藝材料包製作義工活動詳情 <<

推介三:【連青網絡】街坊小配方之環保工作坊 (香港神託會)

【連青網絡】街坊小配方之環保工作坊 (香港神託會)

做義工都可以學嘢?無錯!香港神託會將會舉辦一個環保工作坊,教義工製作幾樣環保家品,例如天然浴鹽、咖啡渣吸濕除臭包等。


希望各位義工學成師之後,化身成為小導師,教授親子同社區人士點樣製作以上嘅環保家品。透過開班授徒,一個傳幾個,再傳十幾個,將生活小知識轉開去,令更多人受惠!


是次環保工作坊包括義工培訓同義工服務,想了解更多詳情或想報名,請到以下連結:

>> 街坊小配方之環保工作坊義工活動詳情 <<


想搵更多2021義工服務?
即上社職義工網或下載「Social Career 社職」應用程式慢慢揀!

到AppStore下載社職Social Career APP iOS iPhone iPad到Play Store下載社職Social Career APP Android

Comments

comments